Тавтай морилно уу!

Түүхэн дэх хамгийн өндөр эрэгтэй хүмүүс

Хүн төрөлхтөний түүхэнд тэмдэглэгдсэн хамгийн өндөр биетэй хүмүүсийн биеийн хэт өсөлт нь өнчин тархины амар нэг гажигаас үүдэлтэй байдаг гэнэ.
Онлайн цахим тольд  өгүүлснээр 2.28 м - 2.72 м хүртэлх өндөртэй 70 орчим эрчүүд байсан ба эдгээрээс хамгийн өндөрт тооцогдоод байгаа зарим хүмүүсийн тухай толилуулж байна.


Роберт Уодлоу - 2.72 м / АНУ

"Аалтон / Иллинойсын аварга эр" гэдгээрээ нийтэд танигдсан Роберт Уодлоу (1918 - 1940 ) нь дэлхий дээрх хамгийн өндөр эрэгтэй юм. Ердөө 22 настайдаа хорвоогийн мөнх бусыг үзүүлсэн тэрээр  Иллинойсын Аалтон хотод өссөн бөгөөд 2.72 м өндөр, 199кг жинтэй байжээ. Эгэл хүүхдиййн адил хэвийн жинтэй төрсөн тэрээр 10 настайдаа 1.98 м байсан гэдэг.

Жон Роган - 2.67 м / АНУ
Анагаах ухааны түүхэнд 2.44 метрээс "өндөр хүн" хэмээн тэмдэглэгдэн үлдсэн 17 хүний нэг тэрээр дэлхийн №2 дахь өндөр хүн юм. Африк гаралтай Жон Уильям Роган 1868 онд төрсөн бөгөөд 13 настайгаасаа гэнэтхэн өсч эхэлсэн байна.

Гэнэтийн энэхүү өсөлт нь түүнийг үе мөчний эмгэгт өртөхөд хүргэж улмаар 1905 онд хорвоог орхисон ажээ. Жон ердөө 79 кг жинтэй, 2.67 м өндөр байсан бөгөөд түүнийг эмч, судлаачдын нүднээс далд буюу шарилыг нь дахин ухаж, шинжлэхэс сэргийлж давхар бетонон доор оршуулсан гэнэ.

Леонид Стадник - 2.57 м / Украйн 
14 настайгаасаа гэнэтхэн хэт өсөх болсон Леонид нь 1971 онд төрсөн бөгөөд зөвхөн Украйнд л хэвлэгдэн гардаг "Украйны дээд амжилтууд" номд бүртгэлтэй удаах хамгийн өндөр хүн юм. Тухайн үед өнчин тархины хагалгаанд ороод удаагүй байсан тэрэээр өдгөө 2.57 м өндөр бөгөөд настай ээжийнхээ хамт амьдардаг юм байна.






Вяйно Мюллюринне - 2.51 м / Финлянд
Эх орныхоо энхийн манаанд хүчин зүтгэж явсан энэ хүн бол Финляндын цэрэг Вяйно Мюллюринне юм. Тэрээр 1909 - 1963 онд амьдарч байсан бөгөөд 21 насандаа 197кг жинтэй, 222 см байсан гэдэг. Түүний биеийн огцом өсөлт гучин наснаас үргэлжилж 2.51 м хүрчээ.




Эдуард Бопре - 2.51 м / Канад
Түүнийг түүхэн дэх хамгийн хүчтэй бөх, мөн илбийн гайхамшгаараа алдартай циркийн уран бүтээлч төдийгүй дэлхийн хамгийн өндөр хүмүүсийн нэг байсан хэмээжээ. Бопре нь сүрьеэ өвчнөөр нас барсан гэж үздэг ба хожим цогцсонд нь хийсн задлангаар өнчин тархины хавдартай байсныг тогтоожээ. Түүнчлэн 17 настайдаа 2.16 м өндөртэй байсан Эдуард (1881 - 1904) нас барсан хойноо ч "өссөөр байсан гэнэ.




Султан Кёсон - 2.51 м / Турк 
Эргэх дэлхий дээр энх тунх "амьдарч" байгаа хамгийн өндөр хүмүүсийн нэг Султан 1982 онд Туркийн Мардин хотноо мндэлсэн юм. 2009 онд "Гиннесийн дэлхийн дээд амжилтууд" номд бүртгэгдсэн түүний биеийн хэт өсөлтийн шалтгаан нь өнчин тархинй хавдраас улбаатай ажээ. Тэрээр 2012 онд хавдраа амжилттай авахуулж дахин хэт өсөхөөргүй болжээ.




Дон Кёлер - 2.49 м /АНУ
1969 - 1981 он хүртэл дэлхийн хамгийн өндөр хүний нгээр нэрлэгдэж байсан Дон 1925 - 1981 онд амьдарч байсан бөгөөд түүний ихэр эгч дүүс нь 1.75 м байжээ. Тэрээр 10 настайгаасаа өсч эхэлсэн ба 55 насалжээ.




Брахим Такиулла - 2.46 м / Морокко 
Өдгөө Парис Хотноо өнчин тархины хавдрын эмчилгээ хийлгэж байгаа Брахим нь Дэлхийн хамгийн өндөр хүмүүсийн нэг төдийгүй хамгийн том хөлтэй хүн гэнэ. Түүний зүүн хөл нь 38.1 см , харин баруун нь 37.5 см урт ба Европ гутлын размераар "58"-ыг өмсдөг гэнэ. Бүх л хувцасаа захиалгаар хийлгэж өмсдөг түүний гутал л гэхэд багаар бодоход 700 евро байх ажээ.




Бао Сишунь - 2.36 м / БНХАУ 
Өвөрмонголын иргэн Бао Сишунь 1951 онд төрсөн бөгөөд түүний гарын урт 1.06 м юм. Гар урттай байснаараа тэрээр өвчтэй дельфинд хагалгаа хийхэд тусалсан гайхалтай явдал тохиож байжээ. "Хамгийн өндөр" гэгдэх хүмүүсийн нэг тэрээр 2007 онд гэр бүлтэй болж 2008 онд үрийн зулай үнэрлэжээ.

Илгээх | 186 хүн уншсан | Бичсэн: Nomuna Nona

Сэтгэгдэл бичих

Сэтгэгдэл (1) | :